Make your own free website on Tripod.com

Majuro Online | Home |
KABUN KO ILO HONOLULU   |   College ko   |   KOBBAN HONOLULU   |   ICE- KOOL   |   BIRTHDAY
KOBBAN HONOLULU


July2002

Former Chief Secretary Oscar deBrum  passed away July 23, 2002 at the Majuro Hospital. He will be remembered with all his long time public services since the TTPI  and our newly Free Association nation with the United States since 1986 October. Ilo ememelokjen kin in ejako jen kij Late Oscar de Brum - jej bed wot ilo tomak ko ad im manit ko ad ilo jako in an Oscar im koba lok ibben Jenny im ro nejierro im jibuweeirr kobalok
Senator Justin de Brum - Ujae Atoll.

June 2002

Juon eo ellukun in yokwe dri-majol im ear kajjion letok jiban nan dri-majol elaptata kien eo an RMI jino ilo 1995 ibben kar former Minister Tom D. Kijiner im ro moktalok ilo Administration eo an kar Amata Kabua im Imata Kabua tok elik - ikkijien komokajkaj im kabidodoik lok kilten ko romman ikkijien ial in jiban nan ion Doctor ro rellap im mokadre ilo Hawaii im ijoko jet ilo USA.Jiban kein im kwon in kar komman bwe RMI/MISSA im HMAA ren jino ibben dron mantak nan rainin 2002 June im in ejako im motlok jen kij jen kememej wot late Arnold Baptise.   

Juon nan in buromoj lok ibben Mr. Takaji Abo im ajiri ro nejierro im jibwierro kin jako in an Mrs. Bejak Abo ilo  week in ilo Majuro Atoll, jen
kim ro  mottan Mr.  Takaji Abo im rar jerbal ilo RMI OPS im ro rar jerbal im jikul ibben Mr. and Mrs. Takaji im Bejak Abo ilo kar Rita Public Elementary School, im ilo kadkad ko jet. Kimij bed wot ilo tomak im jar ilo wewein  ewalok nan kij. Jen aolep im bamlle im friends ro an Majuro Online. Anij wot ejela.  
Ikkijien jerbal ilo Ministry eo an Education, Bejak kar mottan rikaki ro elap aer rube enbwinier ilo jerbal ko ikkijien katakin ajiri ro drerrik. Mottan kora ro elap an to aer jerbal in drikaki man tak nan iio ko jilu remotol ear jino retired. Jenaj kememej wot Bejak ilo kwolmenlokjen ko ad kin aolep emman ko an nan jukjuk in bed eo ilo Rita- Majuro Atoll kobalok Mr. Takaji Abo.

April  2002

BAR JUON NAN IN KAMOLOL NAN RIKAKI REINSIPER LALIMO IM KORA IN DRIKAKI EO KIN ITOK EO AERRO IM MEMBERS RO  AERRO ILO KABUN EO AN UNITED CHURCH OF CHRIST ILO HONOLULU KIN LOTOK EO AER NAN DRINANINMEJ RO ILO RMI COMBOUND ILO MONDAY APRIL 1, 2002 BWE KIN ITOK IN AMI KIN JAR IM KIN MENOKNOK KO IM ELAB AER KABWE IM JIBAN JEN JONAN NAN REIN MOTTAD ILO AER BED ETTOLOK JEN AELON KO IM JIBAROK EJMOUR ILO HONOLULU. ITOK EO AMI EJ JUON ITOK EO EBOKTOK KAJOR ILO MOUR IN JOTOB IM BAR EINWOT ILO MOUR IN KANNIEK. ILO ETAN  AOELP MR. PHILIP ANUNGAR  IM KORA EO IM STAFF IM REIN ILO COMBOUND IN  BAR JUON ALEN KOM KANUIJ IN EMMOLTATA,
MR. JUSTIN LANI - PATIENTS DIRECTOR - RMI HEALTH FUND  
MAJURO@ONLINE


MARCH 30, 2002

JUON NAN IN KAMOLOL ELAP NAN GROUP IN KORA EO JEN KABUN EO AN JESUS CHRIST OF LADDER DAY SAINTS AK MORMON - DRI MARSHALL KIN BUNDLE IN MONA IM RAR KEBOIJI NAN DRINANINMEJ RO JEN MARSHALL ISLANDS IM REJ JOKWE ILO COMPUND EO ILO 1882 LUSITANA STREET
IM ELON KAIN FRUITS IM MONA KO JET. ELAP AN UTIEJ BURUWON REIN MOTTAMI ILO AER BED ETTOLOK JEN AELON KO - AK KIN ITOK IN AMI KIN MONA NAN KOKAJUR ENBWIN IM KIN ITOK EO AMI KIN JITOB IN ANIJ - EKKOMAN BWE KOJATDRIKDRIK EO ILO KIM EN KAJUURLOK ILO EJJELOK BERE. ILO ETAN AOLEPEN DRINANINMEJ REIN BAR JUON ALEN KOM EMOLBOTATA. KAMOLOL MAJURO ONLINE ILO AN MONONO IN KAJEDRED MELELE KEIN BWE KEJWOJ EN JELA ENNAN IN MAKITKIT KEIN AD ILO HAWAII.
ILO ETAN MR. PHILIP ANUNGAR IM KORA EO KOBA STAFF IM REIN AOLEP ILO RMI COMBOUND ILO RMI HONOLULU CONSULATE - MR. JUSTIN LANI - DIRECTOR HEALTH FUND  
MAJURO@ONLINE


MARCH 2002

Honolulu  Hawaii - Juon ennan ekaal jen Majuro kin juon eo elab an ebake coordinator ro  an Majruo Online - Mr. Lester Sawej emoj an bok kakije  ilo kilan naninmej jimarok in ran in Wednesday  3/13/2002 Majuro time. Jen kim ro  mottan Lester im Ann ilo Honolulu, kimij jar wot ilo tore in eben nan aolep elaptata Ajiri ro. We'll miss you Lester!  

Downtown Honolulu: Juon ennan jej ron jen ilubwiljin drimarshall ro ilo bulon Waipahu ke juon ian likao ro im elap an tiljok ilo jerbal im kate ilo mour in einwot juon emman in lelonlok "Aelon kein ad" Mr. Wooden L. Ishoda emoj an bok an kakije ilo kilan naninmej eo ejidimkij "Heart Attack"  jemlok in week eo eliktata ilo February - Ilo etan aolepen bamle ko iumin  MAJURO online jokonan bok ien in im kwalok am naan in Buromoj lok ibben aolepen nukun ko jimor an NTA - DEVOTED MAN - Late Wooden Ishoda.

BAREINWOT, ILO ETAN WATAKLE Team and Fans - JEJ BAR  KONAN  LEWAJ NAN IN BUROMOJLOK  IBBEN MR. LEO IM MONA WATAK ISHODA ILO TORE IN ELAP AN BIN NAN ERRO IM AJIRI RO JATIERRO. ANIJ EN KEJERAMMAN BAMLE KEIN JIMOR...dribok eddoin kojjela in ej C.Konou  ilo etan aolepen friends im bamle ko mottan Leo Ishoda im Mona W. Ishoda - ilo Honolulu im Majuro.


February  2002 News in Hawaii
 (ennan bajjok ko ion Hawaii)

Punchbowl - Lusitana Jej ron ke  ilo 2/27/2002 ,emoj an dredrelok renovation im repair ko an office eo ekaal an RMI ilo Honolulu im kio ilo week in emoj aer jino install e net work computer ko ilo Office in. Mr. Dunston Lokboj ak former MISSA Net work Administrator eo ej install im set up e net work kein. Mr. Lokboj ej kab dredre lok an jikul im bok meits eo ikkijien jerbal in computer jen Heald College ilo February 2002.

SALT LAKE ;

Jeramman nan Ken Heine eo ej kab rerelok an bok license eo an kein kajuon ikkijien ekeke kin balun jidik ko im emoj an jeblak nan Majuro ilo Wednesday 2/13/2002 nan an kakije jilu week im naj bar jeblak tok nan Honolulu nan an bar continue nan jibarok commercial license nan wa ko rellaplok. Congratulation Mr. HeineKen!!! See you soon for next license.

Makiki/Kalihi
Ilo naj Saturday February 9, 2002 enaj komman ien eo eliktata ibben larrik eo jatin Samenta Johnson etan Lee Johnson im ear jako ilo mainland im kar jilkin tok nan Honolulu nan crimate im naj kojomlok ibben ilo Kailua Beach im naj kebelok ashes ko ibarijet in Kailua.  

Ilo ran eo inne January 29, 2002 iturin lok 3:00 elikin raelep juon ian leroij ro ilo ene ko mottan Maloelap  (Mrs. Annine Tonyokwe. Hidai)  ear jako ilo kilan naninmij ilo Queen Medical Center (Intentive Care Unit) eo.
Funeral service in an eo  ejitenburu ibbed Annini T. Hidai ear komman ilo ran in Saturday  Feb 2, 2002 ilo juon ian mon mij ko ilo turin Safeway en ilo Vineyard Downtown Honolulu. Ro rar kobatok ilo ien in ear itok Senator Iriojlaplap Imata Kabua, Ujae senator Justin de Brum im kora eo , ex-Majuro Senator Tony de Brum im businessman Sam Bellu, Dr. Wilfed Alik im kora eo  im  RMI Honolulu Rep -Mr. Philip Anungar im ro jet ilo jukjuk in bed eo ilo Honolulu. Paul Tonyokwe eo ear boktok nan eo jen bamle in im Jeovah's Witness eo ilo Honolulu ear coordinate i ien in ad eliktata ibben Bamle in.    

January 2002 News ilo Hawaii

Honolulu :
Hawaii Pacific University ear kommane kadiwuojlok eo an ilo Waikiki Shell im ear wor ruo ajiri in Marshall Islands rar riwuojlok ilubwilinin rein 600 rar kadriowojlok. Ro jen Marshall Islands rar larrik eo nejin Mr. Takej Henry im leddik eo nejin H.E. President Kessai Note.
1. Terry Henry Paul
2. Annette Note JERAMANNNNN!!!!!!

Insurance eo HPMR kar HMAA moktalok im Hospital ko droproblem ibben kien im MISSA

Hawaii Pacific Medical Ref. ak HPMR - insurance eo ilo Honolulu im ej bok eddoin lolorjake takto ilo Hospital ko ilo Honolulu emoj an bojrak in komman kolla nan Hospital ko kin wot an MISSA ak kien eo jab kollaiki muri ko aer ibben HPMR. Kin men in jino jen ran in Monday eo January 8, 2002 - aolep supplement enrollee ro an RMI renaj kollaik bill ko aer 100% ilo etan HPMR kab MISSA. Ekkar nan RMI MISSA Honolulu, renaj reimburse tok nan members ro jet ran jen 1/11/2002. Nan komman claim eakwij wot copy in receipt nan an MISSA kollaik waj nan jabrewot members ro rar make kalle wonen aer xray, mri, rmi, echo, blood tests, etc...

Juon delegations jen Majuro Atoll Local council eo ear tokeak tok ilo Honolulu nan an jibaroklok Los Angeles nan an bukot jet an Public Safety eo equipments im kein jerbal ko jet...rein rar itok rej Executive eo an Public Safety : Mr. Kurban Samuel, coucilman jen Ajeltake; councilman eo juon jen Rita Mr. Shisam Kaisa, im assistant eo an Mayor Mr. Kuriet Langrine. Ejjelok ennan jen likao rein ako naj rol tok aer jen LA bolen enaj lon ennan emman jen erjel.

Bar juon delegation jen RMI government eo nan ion Prime Minister eo jen Japan ilo Honolulu rej : President eo an RMI im Minister eo an Foreign Affairs, Speaker eo an Nitijela im Chairman eo an House of Irioij...

January 14, 2002
Honolulu :
Mr. Arnold Baptise CEO ak President eo an HMAA ako kio rej ba HPMR insurance eo ej bok eddoin aolep bill ko an MISSA ilo Honolulu kobalok Kiko Lewis drijibban eo an erro kelok nan Majuro ilo Continental ke ej jimarrok in rainin 1/14/02 nan aer tan collect ibben RMI government  ako MISSA money ko nan kollaiki muri ko ilo Hospitals ko ilo Hawaii im MISSA emuri  ibbeir. Kio ebojrak taktok ijowot ke ne kwoj etal im taktok kwoj kolla jen pojo eo am mokta. Ijjelokin kwoj aikwij drebjij jidik am naninmej im kottar allikar jen MISSA.   Ne kwoj bed iumin supplement plan eo eokwe kwoj  kadkad wot nan Supplement eo ako ilo juon wewein kwoj kolla wonen am takto. Ebwe an kanini ako kwonaj et ne emat $$$$...



December 2001
Honolulu :
Elap an armij in Honolulu monono bwe ebed ibbeir ruo ian Senator ro jen aelon in Kwajalien im Ujae ilo Christmas season in. Ebed ibbed Senator Iroij Imata Kabua im Senator Justin de Brum. Jeramman nan senators rein im bamle ko aerro kin aer lotok kim ilo Honolulu.
Former Minister Phillip Muller im kora eo erro bar einwot bed ibbed armij ro ilo Honolulu im erro naj bolen xmas ibbed ilo 2001. Joij en monono kin armij rein rejjab meloklok kij.
Jerramman nan larrik eo neijierro ilo Kapiolani im leddik eo ibben kin juon ajiri enaj bojak in itok wot kio ilo allon in December 2001.
Ejjelok ennan elap ilo xmas in ak elab ilo Hawaii ijjelokin wot an aolep kabun ko ilo belak in Honolulu, Maui, Big Islands im rej bed iumin tomak eo an Christianity elab aer boup kin jepta ko aer im rej ekkatak aolep jota lok nan lukkon bon. Good luck to all 2001 jeptas of any churches that celebrate christmas day on December 25.
Jebta eo an Waipahu emoj an jino ekkatak im ej kommani ekkatak ko an ilo Blaisdale Park ilo Pearlcity. Ne kwe driWaipahu joij im kobalok ibben jebta in.
Ilo raeleppen ran in Thursday eo December 20, 2001 ear itok juon ennan jen Castle Medical Center ke Leiroj Kitlang Kabua emoj an bok an kakije ilo an kilan Anij.

Consul General Philip Anungar and Mr. Hilla Atalaia from MOF with Kine, Anor, Mellin, Jackie ,Berita and kids at "THE CRATER" Hilo Big Island. (Middle of 1996)